نيهال فى مكتب
شريف.....
"انت متأكد يا
شريف من الكلام ده؟"
"طبعا
متأكد"
بتسكت نيهال
شويه....وبعدين بتقول..
"علشان
كده....."
شريف بيبص لـ
نيهال...
"علشان كده
ايه؟"
"دا كان حلم كده
ودلوقت فهمته"
"حلم أيه؟...انا
مش فاهم حاجه"
"انا
هفهمك....انا من يوم وفاة أميره وانا بحلم بيها وفـ الحلم كنت بشوف صور للبنك اللى
بتشتغل فيه وكانت بتقول ساعدينى...أكيد كان قصدها ان اللى عمل كده فيه حد كان
معاها فى البنك؟"
شريف بيبص لـ نيهال
وهو مستغرب...
"انتى بتبص كده
ليه...انت مش مصدقنى ...صح؟"
"يا حبيتى انا
مصدقك طبعا...بس مش معقول هنمشى ورا حلم"
"انا حاسه انها
هى ....أكيد هى اللى قتلت أميره وحاولت تلبس التهمه لـ وليد.....وأكيد هى اللى
بعتت الورقه بتاعت البنك وأكيد دى مش حاجه صعبه عليها"
"انا بردوا شكيت
فى كده....بس المشكله مفيش دليل على تهديدها او على انها تكون هى اللى قتلت
أميره"
"انا أعرف مدير
البنك اللى أميره كانت شغاله فيه....أكيد هيقدر يساعدنا فى الموضوع ده"
"تفتكرى؟"
"أهو نجرّب....الساعه
1دلوقتى ممكن نلحقه "
"يلا بينا
"
بيقوم شريف ونيهال
وبيخرجوا من القسم ونيهال بتركب مع شريف عربيته بعد اصراره انها تركب معاه وتسيب
عربيتها...
**********************************
جاسر فى مكتبه ...بعد
ما سلم الشغل المطلوب...بيفتح درج المكتب الاخير وبيطلع منه موبايل وبيمسكه فى
ايده....وبيقول فى نفسه...
"مش لازم حد
يعرف مكان الموبايل ده....وكويس ان نيهال صدقت انه مش معايا ....انا لازم اتخلص
منه"
تليفون جاسر بيرن....
"الوو...ايوه يا
بابا....ايه اللى حصل ...ما انا سايبها كويسه.....دخلت العنايه تانى؟...حاضر يا
بابا ....انا جاى بسرعه...مع السلامه"
جاسر بيرجع الموبايل
فى الدرج مكانه...وبيقفل الدرج وبيخرج بسرعه من مكتبه وبيخرج بره الشركه وبيركب
عربيته وبيمشى.........
********************************
شريف ونيهال بيوصلوا
البنك......بعد ما دخلوا ....نيهال من أول ما دخلت البنك وعنيها بتروح يمين وشمال زى
ما تكون بتدور على حد بعنيها....بيوصلوا عند المدير وبعد شويه السكرتيره بتسمح لهم
بالدخول.....بتدخل نيهال وشريف .....نيهال وشريف بيسلموا على مدير البنك...بيدور
الحوار بين مدير البنك ونيهال.....
"اتفضلوا
اقعدوا"
نيهال حست ان مدير
البنك مش فاكرها....
"انا نيهال صاحبة
أميره الله يرحمها"
"الله
يرحمها....انا فاكرك كويس...متعرفيش انا زعلت قد أيه على أميره ....دى كانت زى
بنتى بالظبط.....يلا ربنا يرحمها ويجعل مثواها الجنه....لسه معرفتوش مين اللى عمل
كده؟"
"انا جايه
لحضرتك بخصوص الموضوع ده....كنت عايزه مساعده من حضرتك؟"
"خير...انا لو
فى مقدرتى انى اسأعدك أكيد هساعدك"
"كان فيه واحده
شغاله معاكوا كانت أميره السبب انها تتسجن بتهمة الرشوه...؟"
بيفكر المدير شويه...
"اه اه....دى
كانت زميلة أميره أسمها سهام حمدى....مالها دى"
"سمعنا انها
هددت أميره ....حضرتك فاكر حاجه زى دى؟"
"والله يا بنتى
الموضوع فات عليه وقت وبصراحه مش فاكر ايه اللى حصل بالظبط"
"طيب انا كنت
عايزه اسأل حضرتك على حاجه وارجو من حضرتك متكسفنيش؟"
"قولى
يابنتى"
"تسجيلات
الكاميرا بتاعت البنك.ممكن تساعدنا فى الموضوع ده"
"بس التسجيلات
دى...."
"انا عارفه انها
ممنوعه تطلع لاى حد بس دى مساعده مش هنساها لك طول عمرى"
"المشكله ان
الحاجت المتسجله بيتم التخلص منها بشكل سنوى والموضوع عدى عليه فتره واعتقد ان كل
الحاجات المتسجله تم التخلص منها"
"يا خساره....دا
كان الامل الوحيد لينا"
بتسكت نيهال شويه ومش
بتلاقى قدامها غير انها تستاذن ....بتستأذن نيهال...شريف بيوجه كلامه لمدير
البنك...
"فرصه سعيد انى
اتعرفت على حضرتك....واتمنى لو افتكرت حاجه تكلمنى" بيطلع شريف كارت وبيديه
لمدير البنك...
مدير البنك اول ما
بيقرا الكارت وقبل خروج نييهال من المكتب..
"استاذه
نيهال"
"نعم؟"بتبص
نيهال للمدير...
"فى أوقات كنا
بنسيب بعض الفيديوهات المهمه.....لبعض الاحداث اللى بتحصل فى البنك ...اوعدك انى
هشوف الفيديو اللى انتى عايزاه واكيد لو وصلتله هتصل بيكى علطول"
"شكرا
لحضرتك"
بتخرج نيهال وشريف من
المكتب وقبل ما يوصلوا لباب البنك بتسمع صوت بينادى عليها ...
"نيهال"
***************************
أحسان وناديه فى
المطبخ بيجهزوا الغدا...
"روحى انتى يا
أحسان صحى وليد وحسين علشان يتغدوا أكون انا جهزت السفره "
"وليد أكيد مش
هيقدر يصحى دا انا دخلت اوضته من شويه كان فى نايم زى المقتول ...زى ما يكون بقاله
سنه منمش"
"خلاص سيبه نايم
ومنين ما يقوم يبقى يتغدى براحتوا"
"الحمد لله انه
رجعلنا بالسلامه"
"الحمد لله
...انا كنت خايفه على حسين أوووى....كنت حاسه ان هيحصله حاجه"
"الحمد لله ان
الايام دى عدت على خير...روحى صحيه علشان يتغدى ويا خد علاجه وانا هجهز
السفره"
بتخرج ناديه من
المطبخ وأحسان بتجهز السفره..
*************************************
جاسر فى المستشفى
وبيتكلم مع الدكتور ......
"يعنى ايه يا
دكتور...يعنى يا أما تعمل العمليه يا أما تموت؟"
"والله الاعمار
بيد الله ....بس انا بقول انها محتاجه تعمل العمليه فى اسرع وقت"
"ونسبة نجاح
العمليه قد ايه"
" نسبة النجاع
حوالى 50%"
جاسر محتار ومش عارف
يقرر خايف ياخد قرار يندم عليه بعد كده........
جاسر خارج من
الاوضه...وجدى بيقابله .......
"الدكتور قالك
ايه يا جاسر "
"الدكتور بيقول
ان ماما قلبها تعبان ولازم تعمل عمليه ضرورى"
"عمليه!!.....لازم
عمليه ..مش ممكن تتعالج"
"قال لازم عمليه
وقالى ان نسبه نجاحها 50%"
"وانت قولتله
أيه يابنى"
"مفيش قدامنا حل
تانى يا بابا ..... ماما لازم تعمل العمليه"
********************************
نيهال بتبص لاتجاه
الصوت.....بيقرب واحد منها ...
"ازيك يا
نيهال؟"
نيهال بتبص للشخص
اللى واقف قدامها وبتبص لـ شريف....وبترد بصوت واطى....
"ازيك يا
حسام"
"عامله ايه
"
"الحمد
لله"
"البقاء
لله....متعرفيش انا زعلت قد ايه على اللى حصل لاميره"
"الله
يرحمها.......اعرفكوا ببعض.....المقدم شريف
عنتر.....الاستاذ حسام موافى"
بيسلم شريف وحسام على
بعض......حسام بيوجه كلامه لـ نيهال...
"وطنط ناديه
وعمو حسين عاملين أيه؟"
"الحمد لله
كويسين"
"انا عارف انها
كانت صدمه كبيره بالنسبه لهم...انا كنت عايز اروح اعزى بس انتى عارفه الظروف "
"عارفه يا حسام....متقلقش
انا هبلغهم تعازيك"
"هم لسه معرفوش
مين اللى عمل كده؟"
"لا لسه"
"انا سمعت باللى
حصل لوليد وزعلت أوووى"
"زعلت
فعلا؟"
"مهما كان دا
اخو أميره يا نيهال"
"ماشى يا
حسام"
"لو أحتجتى اى
حاجه كلمينى"
"شكرا...هستأذن
انا علشان ورايا حاجات مهمه"
"اتفضلى"
بتمشى نيهال
وشريف.....وبيخرجوا من البنك
***************************
فى عربية
شريف....نيهال ساكته وشريف الفضول هيقتله وعايز يعرف مين حسام وازاى واخد على
نيهال وبيتكلم معاها كده....
"نيهال....ممكن
اعزمك على الغدا"
نيهال ساكته وحاسه ان
حسام فكرها بحاجات كانت بتحاول تنساها...
"نيهال..بقولك
هنتغدا سوا؟"
"ماشى
"بتقولها نيهال وهى مش مركزه
بيوصلوا المطعم
وبيطلبوا الغدا ونيهال ساكته مش بتتكلم وشريف اختارلها الاكل على زوقه.....
"مالك يا
نيهال"
"مفيش"
"انتى من ساعة
ما شفتى اللى اسمه حسام ده وانتى ساكته....مين حسام ده"
"حسام؟!...حسام
ده أكتر واحد وجع أميره فى حياتها لدرجة انها فكرت فى الانتحار بسببه"
"انتحار
؟ّ!!....ليه"
قبل نيهال ما ترد
....بيرن تليفون شريف...
"الوو....ايه
اللى حصل؟....قبضتوا عليه؟....طيب انا جاى بسرعه "
شريف انهى مكالمته
وبيكلم نيهال....
"معلش انا لازم
استأذن دلوقتى ضرورى"
"ايه اللى
حصل؟"
"الظاهر اننا
قبضنا على اللى قتل أميره وهو بيبيع السلسله"
**************************************
