شريف فى مكتبه.....
"ايه اللى حصل
يا محمد بالظبط ؟"
"يا فندم أحنا
جالنا بلاغ عن واحد بيبع سلسله بنفس مواصفات سلسلة المجنى عليها...اتجهنا علطول
لهناك وقبضنا على الشخص اللى كان بيبيع السلسله"
"قال هو جاب
السلسه منين"
"بيقول انه
لاقيها "
"هو فين
دلوقتى"
"فى الحبس يا
فندم."
"قول للعسكرى يجيبه"
"حاضر يافندم"
بيخرج محمد وبيقول
للعسكرى يجيب المتهم وبيستنى قدام المكتب ...شريف فى مكتبه ...ماسك
تليفونه....بيتصل بـ نيهال...
"الووو ...ايه
يا حبيبى روّحتى ولا لسه.....اها انا فى القسم....لا لسه هستجوبه...ماشى....نتكلم
بالليل...مع السلامه"
بيخبط الباب....
"أدخل"
بيدخل محمد ووراه
العسكرى ماسك المتهم....شريف بيكلم العسكرى....
"فُك
الكلبشات"
بيفك العسكرى
الكلبشات وشريف بيأمره بالخروج....بيخرج العسكرى وبيقفل الباب وراه....شريف بيكلم
المتهم...
"اسمك ايه
؟"
المتهم
بخوف"عمرو محمود البدرى"
شريف بيقوم من على
الكرسى بتاعه ...وبيقعد على كرسى وبيقول للمتهم يقعد على الكرسى المقابل له....
"اقعد يا
عمرو...اقعد ...ماتخافش"
بيقعد عمرو...
"بتشتغل ايه يا
عمرو؟"
"مكوجى يا
باشا"
"قولى بقى جبت
السلسله منين"
"والله يا باشا
...انا لاقيها"
"من الواضح انك
هتتعبنا معاك..."
محمد بيكلم شريف...
"سيبهولى يا
فندم وانا هخليه ينطق غصب عنه"
"لا يا
محمد....عمرو هيعترف لوحده...ولا ايه يا عمرو"
"والله يا باشا
زى ما قولتلك "
"طيب لاقيتها
فين؟"
"لقيتها قدام
المحل بتاعى"
"شكلك عايز
تأنسنا شويه...خُده يا محمد...وخلى بالك منه كويس أوووى"
"والله يا باشا ما عملت حاجه ...والله انا لاقيها"
"والله يا باشا ما عملت حاجه ...والله انا لاقيها"
بياخد محمد المتهم
وبيخرج بره المكتب....
****************************
نيهال بعد ما رجعت
أخدت عربيتها من قدام القسم وفـ طريقها للبيت....بيرن
التليفون...."الوو...ازيك يا وليد....انا الحمد لله كويسه...انت عامل ايه
دلوقتى....عايزنى؟.....خير؟....انت فين؟....خلاص انا قريّبه منكوا هجيلك...ماشى
....مع السلامه"
نيهال بتقفل مع وليد....وبتقول فى نفسها...
"يا ترى وليد
عايزنى فى ايه؟....استر يا رب"
*****************************
جاسر واقف قدام
العنايه المركزه بيبص لمامته وخايف يحصلها حاجه ....بيدعيلها فى سره والدموع
نازله من عينه......وجدى بيقرب من جاسر وبيطبطب عليه ...
"ما تقلقش يا
جاسر زينب ان شاء الله هتبقى كويسه"
"انا خايف أووى
يا بابا.... ماما لو حصلها حاجه انا مش هقدر أعيش من غيرها"
"ماتقولش كده
يابنى....ادعيلها وان شاء الله ربنا هيقومها لنا بالسلامه"
"يارب يا
بابا"
الدكتور بيقرب من
العنايه ...جاسر بيمسح دموعه....
"لو سمحت يا
دكتور....طمنى على ماما..."
"الحاله لحد
دلوقتى مستقره "
"هتدخل العمليات
أمته..؟"
"بكره الصبح ان
شاء الله"
"لو محتاجه
تسافر بره انا ممكن اسفرها "
"مفيش
داعى...الدكتور اللى هيعملها العمليه اجنبى....ومتقلقش هو دكتور شاطر أوووى ومتخصص
فى العمليات دى"
"شكرا
لحضرتك"
"العفو...ان شاء
الله هتقوم بالسلامه"
"يارب"
جاسر بياخد وجدى
وبيقعدوا على اقرب كراسى من العنايه...
*****************************
وليد خارج من
الحمام.....احسان واقفه فى المطبخ.....
"أحضرلك الاكل
يا وليد"
"لا يا عمتو
مليش نفس.......هو بابا فين؟"
"راح هو وأم
أميره للدكتور...اتحايلنا عليه علشان يروح للدكتور وفى الاخر وافق بصعوبه"
"ليه هو تعبان؟"
"لا بس احنا
عايزين نطمن عليه ونشوف السكر بتاعه عامل ايه؟"
"مشيوا من
بدرى؟"
"من ساعه
كده"
"انا كلمت نيهال
وقالتلى انها جايه ...لو جت استقبليها لحد ما اغير هدومى"
بيدخل وليد يغير
هدومه....وبعد خمس دقايق بيرن جرس الباب وبتوصل نيهال....بيخرج وليد من أوضته
بيلاقى أحسان بتستقبل نيهال بيسلم عليها .....وبيقعدوا فى الانتريه...
أحسان "تشربى
ايه يا نيهال....ولا تتغدى؟"
نيهال"شكرا يا
طنط"
وليد "اعملى لنا
قهوه يا عمتو لو سمحتى"
أحسان "قهوتك
ايه يا نيهال"
نيهال"ساده"
بتدخل أحسان المطبخ
تعمل القهوه.....نيهال بتبص لـ وليد...
"حمد لله على
السلامه يا وليد"
"الله
يسلمك....انا مش عارف اشكرك ازاى على اللى عملتيه معايا "
"عيب يابنى
الكلام ده أحنا أخوات"
"انا مكنتش مصدق
انى ممكن ارجع البيت تانى .....والفضل ليكى بعد ربنا....لو مكنتيش صدقتينى
....ماكنتش عارف هعمل ايه"
"الحمد لله انك
خرجت بالسلامه...خير يا وليد فى ايه؟"
"انا عايز اقدم
بلاغ فى جاسر"
******************************
شريف بيروح البيت بعد
يوم طويل.....عواطف بتخرج من المطبخ بسرعه بعد ما سمعت صوت الباب....وبتقرب من
شريف...
"ازيك يا
ماما"
"ازيك يا
حبيبى...عندنا ضيوف ادخل سلم عليهم"
"ضيوف
مين؟"
"خالتك وبنتها
"
"يا ماما انا
تعبان وعايز انام "
"يعنى الناس
بيسألوا عليك علطول وانت حتى مش
عايز تسلم عليهم وهم فى بيتك"
"انا عارف انتى
بتفكرى فى ايه يا ماما ....بس اللى انت بتفكرى فيه ده مش هيحصل"
"انا مش بفكر فى
حاجه....أدخل سلم عليهم"
بيدخل شريف بيسلم على
خالته وعلى مها....
"انا زعلانه
منك يا شريف كده متسألش عليا ...دا انا بقالى كام شهر ماشوفتكش"
"معلش بقى
....انتى عارفه ظروف شغلى "
"ربنا يقويك يا
حبيبى.....ايه مش هنفرح بيك ولا ايه"
"قريب ان شاء
الله "
عزه ومها بيبصوا لبعض
وبيضحكوا ....عواطف بتنادى على عزه...مها بتقوم وبتقعد على كرسى قريب من كرسى
شريف..
"ازيك يا
شريف"
"الحمد لله
....عامله ايه فى شغلك؟"
"الحمد لله كله
تمام"
شريف عايز يتكلم مع
مها بحريه وخايف مامته تسمعه....
"مها..... كنت عايز
اتكلم معاكى فى موضوع مهم"
"اتكلم يا شريف
انا سمعاك"
"مش هينفع
هنا....تعالى نخرج البلكونه"
****************************
"ايه الكلام
اللى انت بتقوله ده يا وليد"
"اللى سمعتيه يا
نيهال...انا مش هقدر اسكت أكتر من كده...وخصوصا بعد اللى عمله"
"عمل ايه"
"بعد ما قدم
الورقه وحاول يلبسنى القضيه علشان يبعد عنه التهمه"
"انا واجهته وهو
حلفلى ان الورقه معاه وانه مقدمهاش "
"وانتى
صدقتيه....وحتى لو مش هو اللى قدمها....ليه كذب وقال انه كان مسافر وليه قال ان
فيه واحد شافنى مع انى متأكد ان هو اللى شافنى وانا طالع العماره ليلة
الجريمه"
نيهال بتبص لـ وليد
ومش عارف ترد تقوله ايه....
"ساكته ليه يا
نيهال"
"بفكر فى الكلام
اللى انت بتقول ....انا كمان شكيت فى جاسر وخصوصا بعد ما سألته على تليفون أميره
وقالى انه ميعرفش عنه حاجه وشريف قالى انه قال فى المحضر ان أميره نسيت تليفونها
فى البيت"
"كل ده بيثب انه
هو اللى قتلها"
"مش هنقدر نعمل
حاجه دلوقتى يا وليد "
"ليه؟"
"علشان قبضوا
على واحد وهو بيبع السلسه بتاعت أميره وشكين انه يكون هو القاتل"
"ايه؟....حصل
أمته الكلام ده؟"
"النهارده بعد
خروجك من النيابه"
"واعترف؟"
"مش عارفه"
"انا متأكد ان
جاسر له علاقه بالراجل ده"
"هنشوف ايه اللى
هيحصل وبصراحه انا مبقتش استبعد اى حاجه"
بيتفتح باب الشقه
وبيدخل حسين وناديه....نيهال بتقوم تقف...
حسين "ازيك يا
نيهال يابنتى"
"الحمد لله يا
عمو"
ناديه"نيهال...
ازيك يا حبيبتى؟"
"ازيك انتى يا
طنط"
ناديه"اقعدى يا
نيهال واقفه ليه"
نيهال "معلش يا
طنط لازم استأذن"
بتخرج احسان من
المطبخ ومعاها القهوه...
"رايحه فى
نيهال ...انتى لسه مشربتيش قهوتك"
"معلش يا طنط
...مره تانيه....هسستأذن انا علشان متأخرش"
ناديه"ماشى يا حبيبتى.....سلميلى
على مامتك"
"حاضر"
نيهال بتمشى فى اتجاه
باب الشقه ووليد بيمشى وراها ...بتبص لوليد....
"هشوف ايه الى
هيحصل بكره وهتصل بيك ابلغك"
"ماشى...وانا
هحاول اوصل لـ تليفون أميره ...مادام جاسر انكر يبقى أكيد فيه حاجه مهمه"
"متعملش اى حاجه
غير لما تقولى"
"ماشى "
بتخرج نيهال وبيقفل
وليد الباب وراها.....نيهال بتخرج من العماره وبتركب عربيتها وبتروّح
**********************************
شريف ومها فى
البلكونه...
"أتكلم يا شريف
انا سمعاك"
"بصى يا مها انا
مش عارف ابدأ الموضوع ازاى........انتى عارفه انى بعزك قد ايه"
"عارفه"
"انتى بنت هايله
والف واحد يتمنوا يرتبطوا بيكى"
مها بتتكسف وقلبها
بيدق وحاسه انها هتطير من السعاده بعد كلام شريف.....
"طبعا انتى عارفه
....ماما وخالتوا بيفكروا ازاى فى مستقبلنا "
مها بكسوف
"عارفه"
"بصى يا
نيهال.....انا فعلا بحبك.....بس زى اختى.....انا طول عمرى كان نفسى يبقى عندى أخت
اتكلم معاها واقولها على كل اللى جوايا ....وبحس انى ربنا عوضنى بيكى"
مها الدموع بتجرى فى
عنيها وصوتها بيتخنق ومش قادر ترد على كلام شريف...
"وحاسس ان انتى
كمان بتعتبرينى زى أخوكى .....ولا ايه؟"
مها وهى مش قادر
تتكلم " طبعا طبعا"
"علشان كده كنت
عايز اطلب منك طلب"
مها ساكته وبتبص لـ
شريف وحابسه دموعها غصب عنها..
"انا بحب واحده
وكنت عايزك تقنعى ماما بالموضوع ....انتى عارفه ...."
مها بتقاطع شريف....
"عارفه......متقلقش
يا شريف انا هتكلم مع طنط....وهحاول اقنعها"
"انا مش عارف
اشكرك أزاى."
شريف بيحس انه ارتاح
من الحمل اللى كان شايله ...هو حاسس بحب مها له....بس فى نفس الوقت مش هيقدر يتخلى
عن الانسانه الوحيد اللى قلبه دق لها.....
"الجو برد أووى
...يلا بينا ندخل"
"أدخل انت وانا
جايه وراك"
بيدخل شريف وهو زعلان
ومبسوط فى نفس الوقت.....مها بعد دخول شريف بتسمح لدموعها انها تنزل.....
*********************************
تانى يوم فى مكتب
شريف ......بيخبط الباب وبيدخل محمد...
"خير يا محمد ... فى ايه على الصبح"
"المتهم عنده
كلامه جديد عايز يعترف بيه لحضرتك"
"دخله"
بيدخّل محمد
المتهم.....
"ايه يا عمرو ....ايه
اللى حصلك ده فى حد لمسك؟"
"لا يا باشا
مفيش حد جه جنبى "
"قالولى ان في
كلام جديد عايز تقوله؟"
"انا هعترف بكل
حاجه يا باشا "
"اتكلم يا عمرو
انا سامعك...جبت السلسه منين؟"
"من حوالى 10
أيام يا باشا....كنت فى المحل بتاعى وانا بظبط شغل الزباين وبطبق بنطلون لقيت
السلسله دى واقعه منه....أخدتها وقلت هخليها معايا لو حد سأل عليها هديهاله....ولو
مفيش حد سأله يبقى حلال عليا.....عدى 10 أيام ومفيش حد سأل قولت لنفسى اروح ابيعها
وهناك اتقبض عليا......والله هو ده كل اللى حصل"
"البنطلون اللى
السلسه وقعت منه بتاع مين؟"
"بتاع زبون عندى
اسمه الباشمهندس جاسر"
**********************************
