وليد بعد ما خلص
كلامه...بيتفتح باب اوضته بسرعه....وليد واحسان بيبصوا ناحية الباب...بيلاقوا حسين
فاتح الباب وواقف بيبصلهم....
"بابا!!!"
"خير يا حسين فى
ايه؟"
"ايه اللى
مخبينوا عليا"
"واحنا هنخبى
عليك ايه يا بابا"
"انا سمعت كل
حاجه يا وليد ...متخبيش عليا"
"جاسر اتقبض
عليه ليه؟؟... وفضيحة ايه اللى بتتكلموا عليها؟"
أحسان ووليد بيبصوا
لبعض ومش عارفين يقولوا ايه....
"جاسر اتقبض
عليه علشان هو اللى قتل أميره "
"ايه؟...انت
بتقول ايه يا وليد....رد عليا يا بنى ...انت متأكد من الكلام اللى بتقوله ده"
"ايوه يا بابا
متأكد...جاسر اتقبض عليه النهارده الصبح"
حسين بيخرج وهو ساكت
ومش بيتكلم....وليد وأحسان بيخرجوا وراه.....
"انت كويس يا
بابا؟"
"جاسر يقتل
أميره....انا زى ما أكون بحلم....وهو عمل كده ليه؟"
"مش عارفين
السبب يا بابا"
"وفضيحة ايه
اللى بتتكلم عليها"
وليد بيبص لـ
أحسان....
"انا اقصد
....ان الناس هتتكلم وهتألف حكايات عن سبب قتل جاسر لـ أميره"
"أوعى تكون مخبى
عليا حاجه يا وليد"
"أبدا يا بابا
...وانا هخبى ليه بس....انا قولتلك على كل اللى اعرفوا"
ناديه بتخرج من
اوضتها بتلاقى حسين قاعد فى الانتريه والدموع فى عنيه...
"مالك يا
حسين؟"
حسين خايف على ناديه
من الصدمه بعد ما تعرف ان جاسر هو اللى قتل أميره ...مفيش حد بيرد...
"حد يرد
عليا....حصل ايه؟"
احسان بترد عليها....
"جاسر اتقبض
عليه"
وليد وحسين بيبصوا لـ
ناديه....
"ايه؟....اتقبض
عليه ليه"
"جاسر هو اللى
قتل أميره "
ناديه اول ما سمعت
كلام أحسان ماتكلمتش وقعدت على اقرب كرسى....وكأن الصدمه منعتها من الكلام...
*************************************
شريف عدى على
نيهال.....وأخدها وقعدوا فى مكان هادى...شريف قاعد ساكت ...
"مالك يا شريف
؟"
"مش اقدر انسى
شكل جاسر وهو بيعيط بعد ما قولتله على الخبر....الاحساس اللى انا حاسه النهارده
نفس الاحساس اللى حسيته لما بابا مات"
دموع شريف بتنزل من
عينه....بيكمل شريف كلامه وهو بيعيط....
"ماتعرفيش قد
ايه هو واحشنى"
نيهال بتقرب من
شريف....وبتمسع دموعه بأيدها...
"الله
يرحمه.....أدعيله يا شريف"
شريف بيبص لـ نيهال
وبيقولها....
"مش عارف كنت
هعمل ايه لو انتى ماكنتيش معايا....ربنا يخليكى ليا "
شريف بيقرب من نيهال
وبيحضنها....نيهال بتقول لشريف...
"عندى ليك خبر
هيفرحك"
"قولى ...انا
بقالى فتره ما سمعتش خبر كويس"
"ماما....عايزه
تشوفك وتتعرف عليك انت ومامتك..."
شريف وهو بيبتسم.....
"بجد؟....ده
أحلى خبر سمعته"
شريف بيفتكر عواطف
ورفضها الموضوع...الابتسامه بتختفى..
"مالك يا
شريف؟"
"مفيش"
"طيب اقول لـ
ماما هتيجوا أمته؟"
"قريب ...قريب
أوووى"
****************************
ناديه قاعده على
الكرسى وساكته....أحسان ووليد بيبصوا لبعض...
"انتى كويسه يا
ماما؟"
"كويسه يا
وليد....ما تقلقش عليا....الظاهر ان موت أميره خلانى اتقبل اى حاجه "
السكوت مسيطر على
المكان ....حسين وناديه بيفكروا ليه جاسر قتل أميره.....ووليد مش عارف يعمل ايه
وحاسس ان الموضوع بيتعقّد....ناديه بتقطع تفكيرهم....
"وليد؟"
"نعم يا
ماما"
"انا عايزه اشوف
جاسر"
حسين بيبص لـ ناديه
باستغراب....
"ايه اللى انتى
بتقوليه دا يا ناديه؟....عايزه تشوفى جاسر ليه"
"لازم اقابله
واعرف منه هو ليه عمل كده فى بنتى....ارجوك يا حسين خلينى اروح.....انا مش ههدى
غير لما اعرف هو عمل كده ليه"
بتعيط ناديه.....وليد
بيقوم وبيقعد جنبها وبيطبطب عليها....خلاص يا ماما ...متعيطيش...انا هكلم نيهال
واخليها تشوف الموضوع ده"
***********************************
نيهال فى
أوضتها.....بتفكر فى شريف وبتفكر فى رد فعله وبتقول لـ نفسها.....
"انا طلعت غبيه
انى قولتله....دا مش وقته"
بتسكت شويه ....بترجع
تقول لـ نفسها...
"بس انا قولتله
علشان أخرجه من زعله....الظاهر ان موت أميره خلانى مش عارفه افكر ولا اخد قرار فى
اى حاجه"
بتفتكر نيهال
أميره.....وبتفكر فى جاسر ...
"انا ليه
متعاطفه مع جاسر بالرغم من كل اللى عمله.....مش معقول كل الادله دى غلط وهو اللى
صح......وبعدين هو لو كان برئ كان حاول يدافع عن نفسه"
بيخبط باب الاوضه....
"ادخُلى يا
ماما"
"ايه يا نيهال
مش هتتعشى قبل ماتنامى؟"
"لا يا حبيبتى
مليش نفس."
"طيب يا حبيبتى
انا دأخله انام....مش عايزه حاجه منى"
"سلامتك يا
حبيبتى"
"تصبحى على خير
"
"وانتى من أهله
"
بتقررنيهال انها تنام
ومتفكرش فى اى حاجه......بعد ساعتين...وفاء خارجه من أوضتها ودخلت المطبخ وخرجت
وهو ماسكه المايه فى ايدها....وهى داخله أوضتها...بتسمع صوت عياط....بتقرب من
اوضتة نيهال ...بيزيد صوت العياط ...بتفتح الباب بسرعه...بتلاقى نيهال بتنادى على
أميره وهى بتعيط....بتقرب منها وفاء....
"نيهال..نيهال
"
بتقوم نيهال مفزوعه
من النوم وبتنادى على أميره....
"ماما!!"
"نفس الحلم بردوا
يابنتى؟"
"ايوه يا
ماما....انا تعبت.....حاسه انى مش قادره اساعد أميره .....بقالى يومين بحلم
بيها وهى بتعيط وبتنادى عليا وزى ما يكون فى واحد بيضربها بس مش عارفه مين
بالظبط....مش فاكره غير شكل الخاتم اللى لابسه فى ايديه....انا حاسه انى شوفته قبل
كده بس فين مش فاكره ونفس الصور اللى بشوفها كل مره للبنك والموبايل
والسلسله....انا حاسه انى قربت اتجنن"
"استهدى بالله
يا بنتى.....انا هحجزلك عند الدكتور تانى....لازم يديكى حاجه تخليكى تعرفى
تنامى"
"متقلقيش عليا
يا ماما....انا هبقى كويسه ان شاء الله"
"انا هقوم اصلى
وادعيلك ....وانتى كمان قومى اتوضى وصلى وادعى ربنا "
"حاضر يا
ماما"
بتقوم وفاء ونيهال
يتوضوا ويصلوا ...
*********************************
تانى يوم فى
النيابه.....وليد قاعد فى مكتب وكيل النيابه...وليد بيحكى كل حاجه لوكيل
النيابه....
"وانتى عرفت منين
انه ما سافرش ؟"
"انا شغال معاه
فى نفس الشركه وكنت شاكك فيه من الاول ...سألت وعرفت انه ما سافرش من قبل ما
يتجوز"
"والتسجيلات دى
جبتها منين"
"دى كانت مسجله
على تليفون أميره......وجاسر بعد ما لقاه اخده ومسح كل اللى عليه ...بس الحمد لله
قدرت ارجع كل اللى مسحه"
"عندك أقوال
تانيه؟"
"لا يا
فندم"
"تقدر تمضى على
اقوالك وتتفضل"
بيمضى وليد على
اقواله وبيخرج....وهو ماشى فى الطرقه بيطلع تليفونه وبيتصل بـ نيهال ......
"الووو ...ايوه
يا نيهال......اه قولت كل حاجه وقدمت التسجيلات.....كنت عايز اطلب منك طلب....ماما
ناديه كانت عايزه تقابل جاسر......هى مصره .....ماشى ....انا هروح الشركه وانتى
ابقى عدى عليها خُديها وتعالى.....مع السلامه"
**********************************
نيهال فى مكتب
شريف....بعد ما قفلت مع وليد...
"مين اللى كان
بيكلمك؟"
"دا وليد"
"فى حاجه
؟"
"طنط ناديه مامت
أميره عايزه تقابل جاسر....انا مش عارفه هيوافقوا ولا لا"
"متقلقيش انا
هخلصلك كل حاجه "
"شريف"
"نعم"
"كان فيه حاجه
تانيه عايزاك تعرفها"
"قولى انا
سامعك"
نيهال بتحكى لـ شريف
كل اللى حصل بخصوص جاسر..
"وليه
مقولتليش؟"
"وليد كان رافض
يقدم التسجيلات علشان الفضيحه....بس اقتنع ان ده الحل الوحيد وراح قدم كل الادله
للنيابه"
بيخبط الباب...
"أدخُل"
بيتفتح الباب وبيدخل
محمد ....
"تعالا يا
محمد"
"شريف بيه
....فيه حاجه حصلت ....لازم حضرتك تعرفها"
"خير "
بيقرب محمد من شريف
وبيقوله......
"أحنا روحنا
العنوان اللى حضرتك قولت عليه.....وكتبت لحضرتك كل اللى حصل فى التقرير ده"
بيبص شريف فى
التقرير....
"تؤمرنى بحاجه
تانيه يافندم؟"
"لا ...روح
انت"
شريف بيكمل قرايه فى
التقرير....نيهال بتلاحظ ان وش شريف اتغير.....
"خير يا شريف
ايه اللى حصل"
"سهام .. زميله أميره فى البنك"
"مالها؟"
"لقيوها منتحره
فى شقتها"
"ايه؟....منتحره؟"
"الجيران
بيقولوا انها فى الفتره الاخير كانت علطول بتعيط ومش بتكلم حد "
"وايه
السبب؟"
"بيقولوا جوزها
طلقها بعد ما خرجت من السجن علطول وواحد من اولادها مات وهى فى السجن والتانى مات
بعد ما خرجت....وعلاقتها بأهلها اتقطعت بعد دخولها السجن.......بعتّ قوه لهناك علشان تدور عليها....الجيران قالوا انهم
ما شافوهاش بقالهم كام يوم وان شقتها بيخرج منها ريحه مش حلوه...كسروا الباب
ودخلوا الشقه لقوها نايمه على الارض...الطب الشرعى بيقول انها ماتت من 10 أيام
نتيجة هبوط حاد فى الدوره الدمويه "
نيهال بتزعل بعد
الخبر اللى سمعته...
"الله
يرحمها"
*******************************
ناديه بتكلم وليد فى
التليفون .....
"ماشى يا وليد
...انا هجَهز ...علشان اما تيجى نمشى علطول.....سلامتك يا حبيبى ....مع
السلامه"
حسين بيكلم ناديه....
"قالك ايه
وليد؟"
"قالى انه كلم
نيهال وانها هتعدى عليا تاخدنى ونروح سوا...انا هدخل اجهز نفسى "
بتدخل ناديه اوضتها
وبتخرج احسان من اوضة الضيوف....
"خلاص يا أحسان
جهزت الشنطه"
"كفايه كده بقى
يا حسين....انا بقالى كتير قاعده معاكوا...وبصراحه الولاد وحشونى.....المهم
انت خلى بالك من نفسك ومن صحتك وخلى بالك من أم اميره ومن وليد....ولو حصل حاجه
كلمنى علطول "
"ما تستنى وليد أما يجى يوصلك"
"مفيش داعى ...انا هقعد معاك لحد ما أم أميره تروح مشوارها وتيجى وبعدين
أمشى انا"
بيرن جرس الباب....أحسان بتقوم تفتح.....
"اتفضلى يا نيهال"
"شكرا يا طنط ....طنط ناديه جاهزه؟"
بتخرج ناديه من أوضتها...
"انا جاهزه يا نيهال"
بتقرب ناديه من نيهال....
"ازيك يا حبيبتى ؟...عامله ايه"
"الحمد لله يا طنط.....يلا بينا"
أحسان"ما تقعدى يا نيهال تشربى حاجه؟"
"شكرا يا طنط....هنمشى علشان ما نتأخرش"
بتخرج نيهال وناديه .....أحسان بتقفل الباب وراهم
******************************
فى مكتب وكيل النيابه....ناديه ونيهال قاعدين فى مكتب وكيل
النيابه.....بيخبط الباب....بيدخل العسكرى...
"المتهم جاسر وجدى يا فندم"
"سيبه واخرج انت"
نيهال بتشكر وكيل النيابه....بيستأذن وكيل النيابه وبيخرج من مكتبه وبيسبهم
يتكلموا....
جاسر واقف مكانه ومش بيتكلم وبيبص فى الارض....اول ما بيشوف
ناديه....الدموع بتنزل من عينه....
ناديه"البقاء لله يا جاسر يابنى....انا لسه عارفه من نيهال"
نيهال "البقاء لله يا جاسر"
بعد جاسر ما بيهدى شويه....ناديه بتكلم جاسر.....
"تعالا يا جاسر ....تعالا اقعد جنبى"
بيقرب جاسر وبيقعد جنب ناديه.....
"بص يا جاسر....انت عارف انى كنت بعتبرك زى أبنى.....ويوم ما فكرت انى
اديلك أميره....ومن أول مره شوفتك فيها...قولت هو ده الانسان اللى هطمن على بنتى
معاه....وكنت واثقه انك هتقدر تسعدها....وانك هتقدر تنسيها ايه حاجه وحشه حصلتلها
فى حياتها....النهارده انا جايه اسألك سؤال واتمنى انك تجاوبنى بصراحه"
جاسر بيبص لـ ناديه بانتباه.....
"انت اللى قتلت أميره؟"
*******************************
