وليد فى مكتبه
....بعد ما أتاكد ان جاسر مش فى الشركه .....بيفكر ان ممكن جاسر يكون مخبى موبايل
أميره فى مكتبه... بيخرج من مكتبه وبيروح عند مكتب جاسر ....بيفتح الباب وبيدخل
بسرعه وبيقفل الباب وراه....وليد بيدور على التليفون فى كل مكان فى المكتب...بيدور
فى دواليب الملفات والرسومات ....بيقرب من المكتب وبيدور عليه ....بيفتح الدرج
الاول وبيطلع كل حاجه فيه وبيفتح الدرج الثانى مش بيلاقى فيه حاجه وبيحاول يفتح
الدرج الثالث لقاه مقفول بالمفتاح......وقف وليد وهو بيفكر ....ازاى يفتح الدرج
ده.....
**********************************
نيهال ووفاء على
السفره ....
"مين اللى كان
بيتصل بيكى على الصبح كده يا نيهال"
"دا المقدم شريف
اللى ماسك قضية أميره"
"وبيكلمك فى
الوقت ده ليه"
نيهال بتسكت شويه
....وبتقرر انها تحكى لـ مامتها على كل حاجه...
"ماما ...انا كنت
عايزه اتكلم معاكى فى موضوع.....انا مكنتش عايزه اقول لحد...بس انتى عارفه ان مش
بقدر اخبى حاجه عليكى"
"خير يا
بنتى...فيه ايه"
"فيه واحد عايز
يتقدم لى"
وفاء بفرحه "مين
يا نيهال ...انا اعرفه؟"
"شريف"
"شريف اللى كان
بيكلمك فى التليفون من شويه؟"
"ايوه يا ماما"
"وانتى رأيك ايه
"
"مش
عارفه.....بصراحه يا ماما انا مش هقدر افرح وأميره لسه ميته "
بتفهم وفاء ان نيهال
موافقه....بس موت أميره هو اللى مانعها..
"يابنتى الحى
ابقى من الميت..وبعدين أميره لو عايشه كانت أكيد هتفرحلك....هو هيجى أمتى"
"مش عارفه...هو
كلمنى بس انا قولتله نأجل الموضوع شويه"
"خليه يجى يا
نيهال...على الاقل اتعرف عليه هو وأهله وهم يتعرفوا علينا ونقرا فاتحه والخطوبه
والفرح نأجلهم شويه"
"انتى رأيك كده
يعنى"
"انتى ليكى رأى
تانى؟"
"مش عارفه على
العموم هو مشغول اليومين دوول فى القضيه...أدعيلنا يا ماما اننا نوصل للقاتل
بسرعه"
"يارب يا
بنتى......متعرفيش انا قد ايه فرحت أن وليد طلع برىء"
"الحمد لله يا
ماما.....انا هقوم بقى علشان لسه هعدى على جاسر فى المستشفى "
"خير ...ماله
جاسر"
"مامته تعبانه
شويه....هروح اطمن عليها....دى برضوا كانت حماة أميره"
"وانتى عارفه هى
فى انهى مستشفى؟"
"اه ...شريف
قالى على العنوان"
"ماشى يابنتى
خلى بالك من نفسك"
بتاخد نيهال شنطتها وبتخرج ووفاء بترفع اطباق
الفطار عن السفره....
*********************************
بتوصل نيهال المستشفى
وبتسأل فى الاستقبال وبتطلع الدور الاول ....بتقرب من العنايه بتلاقى جاسر ووجدى قاعدين
على الكراسى وكل واحد حاطط راسه بين ايديه....جاسر بيرفع راسه بيشوف نيهال بيقوم
يُقف ....
"ازيك يا
جاسر"
"الحمد لله يا
نيهال"
"طنط عامله
ايه؟"
"الحمد لله ....هتدخل العمليات
بعد ساعتين"
"ربنا يقومهالك
بالسلامه"
بتسلم نيهال على
وجدى....وبتكمل كلام مع جاسر...
"الدكتور قالكوا
ايه على حالتها "
"قال انها لازم
تعمل العمليه ضرورى وان نسبة نجاح العمليه ضعيفه"
"متقلقش ان شاء
الله هتقوم بالسلامه"
نيهال كانت جايه وفـ
نيتها انها تسأل جاسر هو ليه خبى عليها ان التليفون معاه....بس بعد الموقف اللى
شافته والدموع اللى شافتها فى عيون جاسر.....معرفتش تسأله....نيهال بتبص بتلاقى
رجال شرطه بيقربوا منهم...بتحس بقلق....بيقرب منهم ضابط ومعاه عساكر....
"حضرتك
الباشمهندس جاسر وجدى؟"
جاسر بخوف"ايوه
أنا"
وجدى بيكلم جاسر...
"فيه ايه يا
جاسر"
"مش عارف يا بابا"
نيهال بتسأل الظابط...
"خير يا فندم فيه
ايه"
"حضرتك مطلوب فى
القسم وده أذن النيابه"
بتشوفه نيهال وبتبص
لـ جاسر...
نيهال "ممكن
اعرف السبب" "
الظابط"معندناش
أوامر بكده...حضرته يتفضل معانا وهيعرف كل حاجه فى القسم"
"انا والدتى داخله العمليات ممكن اطمن عليها وبعد كده هروح لوحدى؟"
"مينفعش ....الاوامر اللى عندنا انك تيجى معانا دلوقتى"
جاسر بيبص لوجدى...
"متقلقش يا بابا...هروح اشوف فيه ايه ...وهرجع قبل ماما ما تدخل ان شاء الله"
"تروح وترجع بالسلامه يابنى"
*******************************
نيهال فى عربيتها
وماشيه ورا البوكس اللى جاسر راكب فيه....تليفونها بيرن....بتمسك الموبايل بتشوف
اسم وليد...
"الو..ايوه يا
وليد.......ايه؟!......لقيته.....لقيته فين....متعملش اى حاجه لحد ما اتصل
بيك.....انا رايحه القسم....جاسر اتقبض عليه.....مش عارفه...بس أكيد حاجه ليها
علاقه بالقضيه....بس متعملش اى حاجه الا لما اكلمك ....ماشى ...مع السلامه"
بتقفل نيهال مع وليد
...وبعد شويه بتوصل القسم....
بتدخل مع جاسر مكتب
شريف.....
جاسر بيرحب بيهم
ونيهال بتحضرمع جاسر بصفتها محاميته...
جاسر بيكلم شريف...
"ممكن اعرف انا
هنا ليه؟"
"ثوانى وهتعرف
كله حاجه يا باشمهندس"
بينادى شريف على
العسكرى وبيقوله يجيب المتهم .....بعد دقيقتين بيدخل المتهم وبيقف قدام نيهال
وجاسر.....
شريف بيكلم جاسر....
"قولى يا
بشمهندس....تعرف الشخص اللى واقف قدامك ده؟"
جاسر بيبص لعمرو....
"مش واخد بالى
....متهيئلى شوفته قبل كده.."
"دا عمرو
المكوجى....شغال فى الشارع اللى ورا العماره اللى انت ساكن فيها"
"ممكن اعرف ايه
الموضوع بالظبط.....وايه المطلوب منى؟"
"أحنا قبضنا على
عمرو وهو بيبيع سلسلة أميره مراتك ولما ضغطتنا عليه اعترف انه لقى السلسله فى
بنطلون يخص حضرتك"
"ايه؟....بنطلون
بتاعى انا"
"ايوه"
"دا أكيد
كذاب....انا معرفش حاجه عن السلسله ولا شوفتها من يوم وفاة أميره "
نيهال بتسمع الكلام
اللى بيتقال وبتفتكر كلام وليد وجاسر لما كذب عليها بخصوص التليفون....بتتأكد ان
جاسر هو اللى قتل أميره....
شريف بيكمل اسألته
لجاسر....
"باشمهندس
جاسر....الاستاذه نيهال سألتك على تليفون المجنى عليها وانت انكرت وقولت انك
مشوفتهوش ولا تعرف هو فين.....فى حين انك ذكرت فى المحضر ان المجنى عليها نسيت
تليفونها فى الشقه"
جاسر بيحس انه اتحاصر
.....
"انا معرفش حاجه
والراجل ده كذاب"
نيهال ساكته ومش
بتتكلم....وبتقول فى نفسها ...
"ازاى هدافع عن
واحد ....انا متأكده انه مجرم"
شريف بيقول لجاسر ...
"انت متهم بقتل
المجنى عليها أميره حسين"
"انا مقتلتش
أميره ...والله ما قتلتها"
نيهال مش قادره تصدق
جاسر وتكذب كل الادله اللى شايفاها....شريف بيؤمر بتحويل جاسر للنيابه وهى تكمل
التحقيق معاه ونيهال بتقول لجاسر انه يشوف محامى تانى علشان هى مش هتقدر تدافع عنه..نيهال
بتستأذن وبتخرج من المكتب...
***************************
نيهال فى
عربيتها...اتصلت بـ وليد واتفقت انها تقابله فى مكتبها.....نيهال بتفكر ودموعها
بتنزل من عنيها مش قادر تصدق ان جاسر عمل كده فعلا.....تلفون نيهال بيرن..."الو...ايوه يا شريف...لا انا كويسه متقلقش عليا....انا رايحه المكتب عندى شغل هناك....ماشى ....هخلص شغل واكلمك ....مع الشلامه"......بتوصل نيهال مكتبها....بتدخل
بتلاقى وليد مستنيها ....بتقعد على المكتب بعد ما سلمت هلى وليد...
"مالك يا
نيهال؟"
"جاسر اتقبض
عليه بتهمة قتل أميره؟"
"بجد؟....حصل
ازاى ده؟"
بتحكى نيهال كل اللى
حصل لـ وليد....
"الحمد لله ان
ربنا ظهر الحق أخيرا."
وليد بيبص لـ
نيهال.....بيلاحظ الحزن على وشها....
"انتى زعلانه
ليه ؟"
"مش قادره اصدق
ان حد ممكن يقتل اللى بيحبه ويرميه فى مكان ويخلى الكلاب تاكل جثته......ازاى جاسر
قدر يعمل كده.....انت عارف....برغم كل الكلام اللى انت قولته وكذب جاسر عليا بس
كنت دايما عندى احساس انه مش ممكن يعمل كده....كنت بقول لنفسى انه حتى لو حاول
يعمل كده ....الحب والعشره مش هيهونوا عليه.....بس شكله النهارده وهو مش قادر
يدافع عن نفسه....أكدلى انه هو اللى قتلها"
"انا عمرى ما حسيت انه كان بيحب أميره.....علشان كده اصدق انه يكون
هو اللى قتلها"
"انتى لقيت حاجه فى تليفونها"
"لا..كل حاجه فيه ممسوحه.....أكيد هو اللى مسح كل اللى كان عليه علشان
مايسبش دليل عليه"
"قوم معايا"
"هنروح فين"
"قوم بس"
بتخرج نيهال من المكتب و وليد بيخرج وراها....
*******************************
فى محل صيانة موبايلات.......نيهال بتكلم صاحب المحل...
"لو سمحت الموبايل بتاعى كل ال data اللى عليه اتمسحت غصب عنى وكنت عايزه ارجعها "
بياخد منها التليفون ....وبعد ربع ساعه بيرجع وبيدى التليفون لــ نيهال ....
"كل حاجه رجعت
عليه زى ما كانت "
وليد "عايز
كام؟"
"20جنيه"
بيطلع وليد عشرين
جنيه وبيديها لصاحب المحل...وبيخروجوا من المحل...بيقعدوا فى عربية نيهال....نيهال
بتمسك الموبايل وبتدور فيه .....بتلاقى مكالمات مسجله.....بتشغلها......وليد
ونيهال بيسمعوا المكالمات ومش مصدقين الكلام اللى بيسمعوه...نيهال بتقفل الموبايل
بسرعه.....وليد وهو مصدوم....
"أميره كانت
بتخون جاسر؟!!!!!!!"
*********************************
