بيفتح حسين باب شقته وبيدخل ووراه نيهال....أحسان وناديه اول ما بيشفوه
بيقوموا يقفوا ..
ناديه"طمنى يا حسين"
أحسان"تعالى يا نيهال ..اتفضلى .."
.بتدخل نيهال وبتسلم على ناديه واحسان وبتقعد...
أحسان "حد فيكوا يتكلم ويقولنا ايه اللى حصل.؟"
حسين "وليد اتحبس 4 أيام على زمة التحقيق"
ناديه "ليه؟؟"
أحسان "وانتوا سيبتوه وجيتوا؟"
نيهال "عمو حسين مكنش عايز يجى انا اتحايلت عليه ...وجودنا هناك ملهوش
لازمه"
حسين "ادينا وصلنا البيت اهو يا بنتى...قوليلى بقى..هم متهمين وليد
بأيه؟"
نيهال بتسكت ...مش عارف تقولهم ازاى ...بتلاقى نفسها مضطره انها تقول...
"وليد متهم .بـ...بـ...قتل أميره"
كلهم بيتصدموا من كلام نيهال وبيبصوا لبعض...
أحسان "
وليد عمره ما يعمل كده....انتى متأكده من الكلام اللى بتقوليه ده يا نيهال؟"
ناديه بتعيط
وبتبص لحسين بتحس انه تعبان...
ناديه"انت
كويس يا حسين ؟"
حسين بيشاور
لـ ناديه براسه...
"ماتقلقيش
انا كويس"
"انا
هقوم اجيبلك العلاج بتاعك انت خرجت الصبح قبل ما تاخده"
بتقوم ناديه
تجيب علاج حسين وهى ماشيه بتقول فى نفسها....
"هو
ممكن وليد يعمل كده....يقتل أخته...استرها معانا يارب"
نيهال
"وليد حكى لى ايه اللى حصل ليلة الجريمه ووليد ملوش علاقه بوفاة أميره وانا
ان شاء الله هقدر اثبت الكلام ده وان شاء الله يطلع براءه"
حسين"لو
كلامك مظبوط هم حابسينه ليه وايه علاقته اصلا بموت أميره؟"
نيهال"انا
هحكيلكوا كل حاجه ..وكل الكلام اللى وليد قالهولى"
**********************
جاسر فى
القسم فى مكتب شريف....جاسر عرف ان وليد اتقبض عليه......
"ووليد
اعترف؟"
"هو
بينكر وبيقول انه راح العماره علشان يطمن عليها لما عرف انك مسافر"
جاسر اطمن ان
وليد مقلش لشريف على موضوع السفر..
"وايه اللى هيتم مع وليد دلوقتى؟"
"هنعمل
تحرياتنا وبعتنا لـ مدام ايمان جارتكوا علشان تتعرف عليه"
"هو
حضرتك وصلت للورقه أزاى ؟"
"دا بقى
شغلنا"
جاسر هيتجنن
..وشك ان نيهال هى اللى تكون قالت لشريف على الورقه بعد الحوار اللى دار بينهم
أمبارح....
بيستأذن جاسر
وبيخرج...عايز يتصل بينهال ويسألها هى اللى قالت على الورقه لشريف ولا لا...بس
يفتكر الكلام اللى قالته وشكها فيه بيقرر انه ما يتصلش والمهم عنده ان الورقه
وصلت للبوليس وكمان بعيد عنه......
*********************
فى بيت
حسين.....
احسان
"يالهوى كل ده حصل واحنا منعرفش حاجه"
ناديه
"علشان كده كان متغير الفتره الاخيره "
حسين
"وهم عرفوا موضوع الوديعه والفلوس منين؟"
نيهال مش
قادره تقولهم جاسر....
نيهال"
انا سالت المقدم شريف بس هو طبعا مينفعش
يقولى"
حسين
"يعنى وليد شايف انى ظلمته واتخانق مع أميره....طب ماجاش اتكلم معايا ليه
وانا كنت افهمه....الحمد لله على كل حاجه....المهم دلوقتى يابنتى هنعمل ايه"
نيهال"ماتقلقش
يا عمى انا معايا عناوين صحابه وهروح لهم ولازم يشهدوا ان وليد كان معاهم ...لان هو
ده دليل برأته"
حسين
"ربنا يوفقك يا بنتى وتقدرى توصلى معاهم لحل...والحمد لله ان وليد طلع
برىء"
نيهال"هستاذن
انا دلوقتى هاروح لصحابه واحاول اقنعهم"
حسين
"اتفضلى يابنتى"
احسان
"ابقى طمنينا يا نيهال"
نيهال"
حاضر"
بتخرج نيهال
وبتقفل احسان الباب وراها وبترجع تقعد مكانها
**********************
نيهال فى
عربيتها ....
"الو...أيوه
يا ماما....لا مش عارفه هرجع البيت أمته...اتحبس 4أيام على زمة التحقيق...هبقى
احكيلك اما ارجع...حاضر....مع السلامه "
بتوصل نيهال
قدام شركة جاسر...بتنزل من عربيتها وبتدخل الشركه...بتطلع مكتب جاسر....بتفتح
الباب من غير ما تخبط..
جاسر بيبص
وهو مندهش.....
"نيهال!!...خير
فى ايه؟"
"انت
ليه مصمم تقنعنى ان أميره اختارت الشخص الغلط علشان تكمل معاه حياتها"
"نيهال
...انا بحذرك...انتبهى لكلامك معايا...انا سكت امبارح ومردتش على الكلام الفارغ
اللى قولتيه ومش هسمحلك تيجى مكتبى وتهزئينى فيه"
"انا
فعلا غلطانه انى وثقت فى واحد زيك"
"نيهال...انا
لـ تانى مره بحذرك......اهدى واقعدى وفهمينى ايه اللى حصل لكل ده"
"اللى
حصل ان وليد اتسجن"
"وانا
مالى"
"كل ده
بسبب الورقه اللى انت قدمتها...على الرغم من انك وعدتنى انك مش هتقدمها....من
الواضح ان وليد كان عنده حق وانك بتبعد الشبهه عن نفسك"
"انا
هعمل نفسى مسمعتش اى حاجه من اللى قولتيها دى...بس الحاجه الوحيد اللى عايزك
تعرفيها...انى مليش ذنب فى اللى حصل لوليد....الورقه لسه معايا"
نيهال بتسكت
بعد كلام جاسر....بيكمل كلامه...
"انا
روحت القسم وعرفت ان وليد اتسجن وعرفت انهم معاهم نفس الورقه اللى معايا وقولت
اكيد انتى اللى قولتى لشريف عليها بعد ما اقتنعتى ان وليد هو القاتل"
نيهال بعد
سكوت فتره....
"يعنى
مش انت اللى بعت لهم الورقه؟"
"والله
الورقه معايا....ومفيش حد عرف بالموضوع غيرنا"
" شريف
وصل للورقه أزاى؟ "
"انا
سألته وهو قالى ده شغلنا...بصراحه قولت انتى اكيد قولتيله عليها"
"انا
مقولتش حاجه...كد يبقى فى حد غيرنا عارف موضوع الورقه وهو اللى بعتها للقسم"
"تفتكرى
يكون مين ؟"
"مش
عارفه"
بتسكت نيهال وبتفكر مين ممكن يكون سلم الورقه...بعد تفكير طويل ....
"ممكن تكون ساره صاحبة أميره."
************************
فى بيت حسين.......
حسين "وانتى ليه
مقولتليش ان أميره عرفت؟"
ناديه"قالتلى
متقوليش لبابا انى عرفت علشان ميزعلش"
حسين "لو كنت
قولتيلى انها عرفت كنت هتكلم معاهم هم الاتنين واقولهم على الحقيقه ...علشان وليد
ميحسش انى ظلمته"
أحسان "وليد
عارف انك بتحبه ....وعارف انك عمرك ما هتظلمه...هو بس تلاقيه اضايق علشان خبيتوا
عليه كلكوا...وفى الاول والاخر دى فلوسك انت حر فيها "
حسين"لا دى مش
فلوسى ...دى فلوس ولادى...انا فعلا غلطت انى خبيت عليهم انا كان لازم اقولهم
وافهمهم على كل حاجه "
ناديه"اللى حصل
حصل يا حسين ...ادعى لـ وليد يخرج بالسلامه...وأميره ربنا يرحمها"
حسين"أمين
يارب"
أحسان "يارب
خرجوا بالسلامه يارب"
حسين" انا هروح
القسم واخد له أكل معايا ...انا مش هقدر أقعد كده واسيبه هناك لوحده"
أحسان "خدنى
معاك انا كمان اطمن عليه"
بيقوم حسين وأحسان
وبيخرجوا ...وناديه قاعده مكانها وبتدعيله يخرج بالسلامه.........
****************************
فى مكتب
جاسر....نيهال مستنيه جاسر ينهى مكالمته مع ساره...
"هاا..قالتلك
ايه؟"
"قالت انها
مسلمتش حاجه ولا راحت القسم"
"هيكون مين
بس؟....انا همشى دلوقتى"
"هتروحى
فين"
"هروح
لشريف...لازم اعرف الورقه وصلت له ازاى"
"ابقى اتصلى بيا
لو عرفتى حاجه"
بتخرج نيهال من
المكتب ....تليفون جاسر بيرن...
"الو...ايوه يا
بابا...خير فى ايه....ايه؟...وهى عامله ايه دلوقتى؟....انتوا فى مستشفى
ايه؟....انا جايلك بسرعه...مع السلامه"
بيخرج جاسر بسرعه من
المكتب واحد من الموظفين بينادى عليه...
"بشمهندس
جاسر"
"بعدين
بعدين"
بيخرج جاسر بسرعه من الشركه
وبيركب عربيته وبيمشى
*********************************
نيهال وهى فى عربيتها
اتصلت بشريف واتفقت معاه انها تقابله بعيد عن القسم....
نيهال قاعده فى
المكان اللى اتفقوا عليه...بعد 10 دقايق بيوصل شريف....بيسلم على نيهال...
" معلش أتاخرت...بس
الطريق زحمه"
"ولا يهمك...انا اسفه انا خليتك تسيب شغلك علشان
تقابلنى...بس الموضوع اللى عايز ه اتكلم معاك فيه ما يتأجلش"
"خير"
"كنت عايزه اعرف
الورقه دى وصلتلك ازاى"
"أنهى ورقه
"
"ورقة
البنك"
"انتوا ليه عايزين تعرفوا الورقه وصلتلى ازاى"
"علشان فى حاجات انا شاكه فيها وموضوع الورقه ده هيأكدهالى"
"معرفش العسكرى
قال ان فى حد سابلى الورقه دى...واما سألته على اسمه ..قالى انه ماقالش
أسمه...ليه؟"
"الورقه دى محدش
يعرف عنها حاجه غيرى انا وجاسر وانا سألت جاسر وقالى انه ما بعتش حاجه"
"تفتكرى يكون حد بعتها علشان يلبس التهمه لوليد"
"بالظبط....انا
متأكده ان اللى قتل أميره هو اللى عمل كده"
"بس وليد ما
تكلمش وموضحش اى حاجه...ومعندوش دليل انه كان مع صحابه "
"انا متأكده من
برأة وليد...وقريب أوى هثبت برأته....كان فيه سؤال تانى عايزه اسألك
عليه...المفروض كنت اسأله من فتره طويله؟"
"اتفضلى"
"السلسله
والموبايل بتوع أميره....مفيش حد اتكلم عنهم ويوم ماروحنا نتعرف على الجثه ما شوفناش
الا الدبله"
********************************
جاسر بيدخل المستشفى
....وهو بيسأل فى الاستقبال بيشوف باباه..بيجرى على باباه
"بابا ....ماما
فين"
وجدى وأثر الدموع
باين على وشه...
"فى العنايه
المركزه"
"الدكتور قالك
ايه يا بابا"
"قالى أزمه
قلبيه وحالتها خطيره ....وقالى حضروا نفسكوا لاى خبر...انا خايف على أمك يا جاسر"
"ماتخافش يا بابا....ان شاء الله هتقوم
بالسلامه "
"ادعيلها يا جاسر"
**********************************
**********************************
