ساره ..الجزء الثانى ...الحلقه 2

اياد اول ما قرا رسالة رنا اللى اعترفت فيها باعجابها وحبها له ....اياد استغرب ومبقاش قادر يفكر ...بيكلم نفسه ...
“بتحبنى ازاى !....وامته....هى لحقت تعرفنى عشان تحبنى ....اكيد فى حاجه غلط "
سكت شويه وبص للرساله ورجع يقول لنفسه...
“حب ايه بس....هو انا هقدر احب حد بعد ملك...ايه ده بس...هعمل ايه ف المشكله دى .....فى الحالات اللى زي دى مبينفعش فيها الا حل واحد......السكوت....ولا كآنى قريت او سمعت حاجه...واحسن حاجه عملتها هى انها قدمت استقالتها كده لا انا هشوفها وهى كمان هتنسانى لما تبطل تشوفنى ....يارب ...عدى الموضوع ده على خير انا مش ناقص وجع قلب تانى "
             ▪▪▪▪▪▪▪▪▪▪▪▪▪▪▪▪▪▪▪                                                  
سحر بتقرب من الفيلا وهى بتعيط....منى بتحاول تهدى فيها وبتطلب منها انها تقف ....بعد محاولات كتير ....بتهدى سحر وبتركنعلى جنب الطريق....منى بتحاول تهديها وبتقولها.....
“سحر يا حبيبتى ....انتى مش اول ولا اخر واحده يكون عندها مشاكل فى موضوع الخلفه ....ياما ناس كتير الدكاتره بيقولولهم انه مفيش أمل وربنا بيكرمهم.....انا عايزاكى تستهدى بالله ومتضعيش مستقبلك وادهم من ايدك....الطب كل يوم بيكتشف علاج جديد ..."
“ولحد لما يلاقوا علاج لحالتى انا هعمل ايه....ادهم لما يسآلنى ...هقوله ايه...وهخبى لحد امته....انا عارفه ان ده عقاب ربنا عشان كذبت ....بس انا مش هقدر استحمل العقاب ده....."
"اهدى بس وبعدين ادهم هيعرف منين ؟ "
“لما ما يحصلش حمل وهو يكون عايز ويطلب منى هقوله ايه....."
" بصى يا سحر....اللى بيحصل ده ملهوش الا حل واحد ...."
“حل ايه...."
▪▪▪▪▪▪▪▪▪▪▪▪▪▪▪▪▪▪▪▪▪▪▪▪▪▪                                            
رجاء قاعده مع ساره....
“الحمد لله يابنتى ان ربنا كرمك ورجعلك نظرك "
“ربنا يخليكى ليا ....انا مش عارفه لو مكنتيش جنبى كان جرالى ايه...ربنا يقدرنى واقدر اردلك جزء من اللى عملتيه معايا"
“بتقولى ايه بس يا بنتى ....انا معملتش حاجه غير اللى المفروض يحصل ....انتى زى اروى بنتى ...ربنا يحميكوا ويحفظكوا يارب...."
سكتت ساره شويه ......رجاء لاحظت شرودها ....
“روحتى فين يا ساره ؟"
“ولا فين ....افتكرتى اهلى ....وحشونى آوووى"
“ربنا يرجعك ليهم بالسلامه يا بنتى .....الكلام خدنا ونسيت اتصل ب أياد اقول على الاخبار الحلوه دى "
“اياد ..مش عارفه ارد جميله هو كمان ازاى ....ربنا يباركلك فيه .....انا مش عارفه لو مكنش عمل معايا كده كان ايه اللى جرالى ولا روحت فين "
“ انتى هتفضلى تقولى الكلام ده كتير ......يا بنتى الدنيا لسه بخير ....وانتى ربنا بيحبك...وبعدين احنا اتفقنا انك تنسى اللى فات وتفكرى ف اللى جاى ....ربنا يسعدك يا ساره ويفرح قلبك يارب"
بيدخل أدهم من باب الفيلا ....وهو طالع اوضته من غير ما يبص ل رجاء وساره .....رجاء بتنادى عليه....
“رايح فين يا آدهم ..؟”
“طالع اوضتك !....هو حسين مشى .....؟"
“اه ...استآذن عشان عنده شغل وقالى انه هيكلمنى عشان عايزنى فى موضوع مهم..."
“ماقلش موضوع ايه ....."
“لا ...."
ادهم بيرد على رجاء وهو بيبص فى اتجاه بعيد عنها هى وساره ....خايف عنيه تيجى فى عين ساره وتفتكره .......فى نفس للوقت ساره كانت بتبصله بتركيز وبتحاول تفتكر هى شافته فين قبل كده ... ادهم لسه هيطلع ع السلم بتنادى عليه رجلء مره تانيه ....
“أدهم...."
“خير يا ماما ....فى حاجه تانيه ؟"
"عايزه اتكلم معاك شويه"
“ممكن نآجل الكلام ده وقت تانى ....عشان مستعجل "
“مش هعطلك يابنى ...كلمتيش وأمشى "
بتستآذن رجاء من ساره وبتقرب من ادهم ......ساره بتبص لآدهم ....رجاء بتاخد ادهم وبتطلع معاه اوضته عشان تتكلم معاه...
▪▪▪▪▪▪▪▪▪▪▪▪▪▪▪▪▪▪▪▪▪▪▪                                                                
سحر مع منى فى العربيه.....
“انتى بتقولى ايه يا منى .....هكذب على ادهم تانى "
“يا سحر ....ده الحل الوحيد لحد ربنا ما يكرمك ...."
"أنا قلقانه يا منى ...زى ما بيقولوا الكدب ملوش رجلين ....وكدب بتجر كدبه لحد ما هلاقى نفسى جوه متاهه....ادى انتى شوفتى كدبه واحده عملت فيا ايه ....لو عملت اللى بتقوليلى عليه وكدبت على نفسى وعلى ادهم تانى ايه اللى هيجرا ...."
"بصى يا سحر انتى عارفه انا بحبك آد ايه .....بس مش هضحك عليكى عشان تخرجى من كدبتك الاولى لازم تكدبى تانى ....ومفيش حل تانى "
“افرضى آدهم حب يتاكد من كلامى او يتطمن عليا ....هعمل ايه ...."
“سهله جدا هنروح لنفس الدكتوره اللى سقطتك وهتقوليله انى متابعه معاها وانها عارفه حالتك ومش هينفع تتابعى مع حد غيرها ....وانا هفهم الدكتوره على كل حاجه ....لحد ربنا ما يكرمنا ونشوف مخرج ....."
سكتت سحر شويه .....فكرت فى كلام منى .....مش عارف تقول ل أدهم على كل حاجه وحياتها تتقلب رأسا على عقب ....ولا تكمل فى كذبها وتعيش سعيده .....حتى لو كانت سعاده مبنيه على وهم .....بتقطع منى تفكيرها ...
“ها ....قولتى ايه ؟"
“مش عارفه ....خايفه "
“انتى داخله على فتره صعبه فى حياتك مينفعش تكونى ضعيفه والا حياتك هتدمر ....؟"
“تفتكرى ادهم هيصدقنى ...."
“انا متاكده انه هيصدقك ....بس انتى اعملى اللى قولتلك عليه بالظبط ....."
“آمرى لله....ربنا يسترها "
“ امسحى دموعك ....عشان حماتك ما تاخدش بالها ....انا هنزل اخد تاكسى واروح وانتى روحى وابدأى فى تنفيذ الكلام اللى قولتهولك .....مش عايزه اى حاجه ؟"
"شكرا ليكى يا منى .....مش عارفه من غيرك كنت هعمل ايه "
“كلام ايه اللى بتقوليه ده ....احنا اخوات ....يلا اول ما توصلى وترتاحى ابقى طمنينى عليكى ....سلام "
“مع السلامه "
بتنزل منى وبتشاور ل تاكسى وبتركب .....وسحر بتمسح دموعها وبتبص فى المرايه وهى بتحاول تداى اى آثر للحزن اللى جواها ....
▪▪▪▪▪▪▪▪▪▪▪▪▪▪▪▪▪                                                                
 محمد قاعد فى اوضته ....حاسس انه مخنوق بعد اللى ادهم عمله معاه ....بيحاول يفكر ازاى ينتقم منه ...ازاى يحول حياته لجحيم زى ما ادهم بيحاول يدمر حياته.....حاسس ان جو البيت بيزيد من خنقته ....بيقوم يغير هدومه ....آروى بتسآله.....
"رايح فين يا محمد ؟"
“خارج ....حاسس انى لو فضلت قاعد فى البيت هرتكب جنايه"
“اهدى يا حبيبى ما حصلش حاجه لكل ده ....دلوقتى ابيه ادهم يلاقى الفلوس هنا ولا هوا ويجى يعتذرلك ...."
“يلاقيهم .....مش لو كانوا اتسرقوا اصلا "
بتسكت آروى ومش عا رفه تقول ايه عشان تهدى محمد ......محمد وهو بيفتح باب الاوضه وخارج بتنادى عليه اروى وبتقوله ....
“ استناك نتعشى سوا "
“لا ....كلى انتى "
وبيقفل الباب ويخرج .....بتقعد اروى على السرير وبتقول....
“ليه بس كده يا آبيه.....ليه مصر تدمرلى حياتى "
▪▪▪▪▪▪▪▪▪▪▪▪▪▪▪▪▪▪▪▪▪▪▪▪▪                                          
رجاء قاعده مع ادهم فى اوضته .....ادهم ماسك موبايله بيلعب فيه ....بيتجنب النظر لمامته .....عارف انه لو بص لها هتعرف كل حاجه ....بتقرب رجاء من ادهم وبتقوله .....
“مالك يا أدهم .....بقاله فتره متغيره ودايما عصبى ومتضايق ....انت عمرك ما كنت كده "
“يعنى انتى مش شايفه يا ماما الللى بيحصل .....انا مش طايق البنى آدم ده ....انا متآكد ان مفيش حد غيره سرق الفلوس "
“ بص يا بنى ....انا عارفه انك مش قابل محمد ....وانا كمان زيك ...ولا عمرى كنت اتخيل ان بنتى تتجوز فيوم من الايام ابن بواب ....بس خلاص يابنى هو بقى جوز اختك ....وكلنا لازم نستحمله عشان خاطرها....انت عارف اروى حساسه وبتتآثر من اقل حاجه والحمل كمان هيزود الموضوع ده ....عشان خاطرى يا آدهم ....ابعده عنه ومتشغلش نفسك بيه....ما تحاولش تعمل معاه مشاكل .....اختك مش هتستحمل ....انت عارف هى بتحبه آد ايه "
“يعنى ايه يا ماما....هنسيبه يعمل اللى هوعايزه من غيرما حد يحاسبه....؟"
“مفيش ف ايدينا حاجه غير اننا ندعيله  بنا يهديه  ل آختك"
بيسكت ادهم وبيحاول يرضى رجاء .....
“حاضر يا ماما...انا مش هعمله حاجه عشان خاطرك انتى وآروى "
“ربنا ما يحرمنا منك يا ادهم ....ويخليك ليا ول اخواتك ....احنا ملناش غيرك يا حبيبى "
“وانا كمان مليش غيركوا يا ماما ....ربنا ما يحرمنى منكوا "
“انا هسيبك تشوف وراك ايه...عشان ما اعطلكش اكتر من كده "
"ماشى يا ماما "
بتخرج رجاء من اوضة ادهم ....ادهم بيمسك تليفونه .....وبيتصل ب وائل ......
“ الو ...ايوه يا وائل. ...ععملت اللى قولتلى عليه بس ما نفعش ....معرفش ...محسيت ان اللى حواليا ما صدقونيش ....هو انكر طبعا وماما قالتلى خليك بعيد عنه عشان خاطر اروى واروى آكيد هتزعل عشان خاطر جوزها .....لا مش هينفع اللعب ع المكشوف ....لازم اعمل اللى انا عايزه من غير ما حد يا خد باله لازم اعرفه حدوده ....بقولك ايه مش هينفع الكلام ف التليفون انت فين ؟.....طب انا نص ساعه واكون عندك ....سلام "
بيقفل ادهم مع وائل وبيجهز نفسه للخروج .
▪▪▪▪▪▪▪▪▪▪▪▪▪▪▪▪▪                                                  
رجاء قاعده فى الانتريه وبتكلم اياد فالتيلفون .....وساره قاعده جنبها .....
“والله يابنى ما كنت مصدقه عنيه....حاضر هسلملك عليها لحد ما تيجى ....ماتتآخرش عايزين كلنا نتعشى سوا النهارده ....لازم نحتفل بساره .....ماشى يا حبيبى ...مع السلامه"
قفلت رجاء مع اياد وبصت ل ساره وقالتلها .....
“ما تعرفيش فرح ازاى لما عرف ..... وبيقولك حمدلله على السلامه "
“الله يسلمه.... هى اروى فين ....عايزه اشوفها "
“اكيد ف اوضتها ....قومى انتى ارتاحيلك شويه وهتشوفيها ع العشا ..."
قبل ساره ما تقوم بتدخل سحر من باب الفيلا ....بتقرب من رجاء وساره وبتقولهم ....
“سلام عليكم ....."
ردت رجاء و ساره....
“وعليكم السلام ..."
“ماما ...هو ادهم هنا ولا خرج "
“ادهم فوق فى اوضتكوا ....فى حاجه ولا ايه يا سحر "
" لا مفيش حاجه ....كنت عايزاه "
سحر لسه هتمشى بعيد عن رجاء وساره ....رجاء قالتله ....
“مش ساره ربنا كرمها يا سحر ورجعت تشوف تانى "
بصت سحر لساره نظرة لا مبالاه وقالت لها ببرود ....
“مبروك "
رجاء استغربت من طريقة سحر الغريبه وحست انها احرجت ساره ....بعدت سحر بعد ما قالت الكلمتين ل ساره ....ساره بصت ل رجاء ....
“هى مالها ؟"
"مش عارفه يا بنتى ....انا مابقتش فاهمه حد من الللى عايشين ف البيت ده ....ربنا يهديها "
ردت ساره وهى بتبص ل سحر وهى طالعه ع السلم ....
“يارب "
“ قومى انتى يا بنتى ارتاحيلك شويه ف اوضتك وانا هروح اشوف سعديه عملت ايه ف المطبخ "
ساره مستغربه من اسلوب ادهم وسحر وحاسه ان فى حاجت مش طبيعيه حصلت النهارده .....دخلت ساره اوضتها ورجاء دخلت المطبخ...... سحر قابلت ادهم وهو خارج من الاوضه ....
“انت خارج يا حبيبى "
"واءل عنده مشكله ولازم اكون جنبه "
"انا كنت عايزه اتكلم معاك فى موضوع مهم "
“معلس يا سحر ...انا مستعجل ....ممكن نآجل الموضوع ده لحد بالليل "
“زى ما تحب "
“انتى مالك ......انتى تعبانه ؟"
“ لا ابدا مصدعه شويه ....انا هدخل انام شويه ولما ترجه صحينى "
حماشى ....سلام "
"مع السلامه "
بصت سحر ل ادهم نظره طويله لحد ما اختفى من قدامها ....نزلت دموعها غصب عنها ودخلت اوضتها ....
▪▪▪▪▪▪▪▪▪▪▪▪▪▪▪▪○                                                              
على العشاء......
رجاء جهزت السفره....وبدات تنادى على اروى وسحر وادهم واياد وساره.....بعد 5 دقايق ....الكل بينزل ...وساره لاول مره بتقعد معاهم على السفره .....اياد كان مبسوط ان ساره رجعت تشوف واحساسه بالذنب بدآ يروح ....اروى كانت مبسوطه ان ساره رجعت تشوف وانها بكده هتسيب البيت ومامتها هترجع تحبها وتهتم بيها زى الاول ......سحر مش فارق معاها اللى بيحصل حواليها ....كل اللى بتفكر فيه هو نفسها وادهم .....ادهم سرحان وبيفكر ازاى يبدا يتخلص من محمد من غير ما حد يحس .....بتقرب منهم سعديه وهى ماسكه التليفون ف ايدها .....وبتقول ل آياد ...
“ فى واحده بتسآل عليك يا دكتور ؟"
" ما قالتش مين ؟"
"لا ما قالتش"
اخد اياد التليفون واتكلم .....
“ الو...مين معايا ....عمتى !....ازيك يا عمتو .... عامله ايه....انا استنيتك تكلمينى وتقوليلى هتيجى امته عشان استناكى .....بس لما مكلمتنيش قولت اكيد غيرتى رايك ومش هتنزلى ....خلاص ....حجزتوا.....وايمان هتيجى امتى ....خلاص يا عمتو ....كلنا هنكون فى انتظارك ....لا خلاص ما تقلقيش هكون مستنيكى فى المطار ....خلى بالك من نفسك وسلميلى على ايمان لحد ما اشوفها ....مع السلامه "
الكل كان بيسمع مكالمة اياد وكله عايز يفهم بيكلم مين ....
رجاء بتسآله ....
“انت كنت بتكلم مين يا آياد ....؟"
“ كنت بكلم عمتو يا ماما "
“عمتك مين ....يسريه ؟؟!"
“واحنا عندنا عمة غيرها ...."
ردت اروى ....
“ هى عمتو يسريه راجعه مصر ..."
رد عليها اياد ....
“ اه كانت كلمتنى من شهرين وقالتلى انهم راجعين ولما ما كلمتنيش تانى قولت اكيد غيروا رآيهم ...."
بترد اروى ....
“وطبعا هتيجى تقعد معانا لحد ما تجهز شقتها "
بيرد اياد ...
“اكيد طبعا ....يعنى هتروح تقعد فين ؟"
ادهم بيلاحظ ان رجاء وشها اتغير اول ما سمعت اسم يسريه ....ف بيسآلها ...
“مالك يا ماما وشك اتغير لما عرفتى ان عمتو يسريه راجعه مصر "
“ ابدا يا بنى ....بس انت عارف عمتك وتحكماتها  .... على العموم البيت بيتها واهلا وسهلا بيها فى اى وقت ....."
الكل سكت بعد كلام رجاء .....رجاء قالت فى نفسها .....
“ ايه اللى فكرك بينا تانى يا يسريه ....انا كنت قولت ان الماضى راح واسراره كلها اتدفنت ....هترجعى وتفتحى الدفاتر القديمه من تانى .... يا رب استرها معايا وعدى الايام الجايه على خير ...."
▪▪▪▪▪▪▪▪▪▪▪▪▪▪▪▪▪▪▪▪▪○○○○○○▪▪▪▪▪▪▪▪▪▪▪▪▪▪▪▪▪▪▪▪▪
عايز اعرف رايكو .....فى الحلقه التانيه وتوقعاتكوا للحلقات الجايه.....تفتكروا رجاء قلقانه من رجوع يسريه ليه .....واروى هتعمل ايه مع ساره ....وسحر هتعمل ايه مع ادهم واياد ورنا قصتهم كده انتهت ولا لسه ....
#مستنين_رجوعك_يا_يسريه